يغازلك الجفا
بواسطة : لافي ذباحبتاريخ : 2012-06-27 20:09:22
يغازلك الجفااااااا
يغازلك الجفا قلها و عادي لكن أطباعي
هي أطباعي لو انك قلت لي يا صعب تطويعي
وراسك .. لا .. ومن جابك من أقصى الناس لأضلاعي
فلا أتضايق ولكن ما هقيت رضاك توديعي
وانا اللي كنت أغنّي لك رضا وأعاند أوضاعي
تعاند بي غلاك ولا تخاف الله بتضييعي
على كلٍ بسيطه والعزا للصدق والناعي
أو اسمع ليش أطوّلها معك يا مشتري بيعي
تسهّل وانتبه لا تلتفت لي .. واترك أوجاعي
لقلبي .. وان لمحت العذر لا تفتح مواضيعي
على ويش أتضايق وأنزعج وأسأل وش الداعي
وانا أدري ماانت بأول من ترك للوقت تلويعي
انا يا ضحكة الما .. من صغر دمعي لمرباعي
وحيدٍ ما مسح دمعات عيني .. غير أصابيعي
الديوان يغازلك الجفا
al-d1.com