مساء البرد
بواسطة : علي حسن الجزاع
بتاريخ : 2014-03-15 12:18:26
مساء البرد
مساء اللي فقد غاليه وضاع الود
مساء يجمع أشيائي
ويلملم بعض أجزائي
ويجبر لي كسور الأمس
لأجل نعيش يوم الغد
يحاول بس يواسيني
وأنا دمعي وسط عيني
تذكرت اللي لا شفته وقلنا له مساء الخير
يردد لي مساء الورد
بنى في داخلي قصره
وعطاني من العمر عمره
عشير ما يخليني
يجيب الشمس والقمرة
لو إنه صعب تحقيقه
ولكن همه إني ما أعيش بيوم في ضيقة
عشير يقدر العشرة
ثلاث سنين ما شفته
وهو دايم على بالي
أفكر فيه وأدعي له
وأنا واقف على قبره
تذكرته بليلة برد
وتذكرته ليا قلنا مساء الخير
يردد لي مساء الورد
ولكن ما بقى لي ورد
بقى لي بس مساء البرد
الديوان مساء البرد
al-d1.com