يا كتر شوقي لضحكتك
نظرة عيونك .. بسمتك
لما القمر ,, مال ووشوش الندى
حفر في قلبي محبتك
آه مالخيال .. لما رسم
طيفك على وش السما
بصت عيوني عشقتك
احتار حنيني ولهفتي
لما رموني في سكتك
خايف لا افوق من حلمي تاني
وينكسر شوقي وحناني
وأعيش جريح في دنيتك
آه من أنيني ولوعتي
لما تطول فرقتك
يا كتر شوقي لضحكتك
نظرة عيونك .. بسمتك
خايف ظنوني تهزني
واهرب واخاف من غربتك
خايف لا يوم ما تضمني
يبقا قلبي لعبتك
والاقي نفسي بين ايديك
أسير لنظراتك ... عينيك
واعيش حياتي كلها
مستني تظهر قسوتك
يا كتر خوفي من ظنوني
يا كتر شوقي لضحكتك