| همهمـت وأرخـت خطاهـا والـفـرح فيـهـا قتـيـل واحتبس دمي فعروقي قلـت عمـري وش بـلاه |
| اسكتت واضمت شعوري وانتشى قلبي العليل يوم شفـت الكحـل سـال وارتعـد جمـر الشفـاه |
| كلـمـا حــارت بكلـمـه خـلـت الـدمـعـه تـسـيـل كنـهـا تـرجـي الـكــلام ولالـقــت مـنــه انـتـبـاه |
| ويـوم جـف الدمـع حـارت ولالقـت غـيـره بـديـل اهمست والصـوت خافـت انـت لـي كـل الحيـاه |
| وارتعش قلب ٍ تعلق في طرف غصن ٍ نحيـل ولاقـدر يضمـن نجـاتـه والـمـدى حـذفـة حـصـاه |
| قلت يفداء لك خفوقـي هاتـي حمولـك واشيـل فضـفـضـي واروي شـعــورك دام فالـعـبـره دواه |
| شفتهـا حـارت وتاهـت واثـرهـا تـنـوي الرحـيـل اثـرهـا تـنـوي تـفـارق خافـقـي وتـتــرك هـــواه |
| تاوهـت والدمـع يملـى مقلـة الـطـرف الكحـيـل وشفت فيه الحظ شيخ ٍ ضامه الوقـت ونسـاه |
| شفـت بعيـونـه بقـايـا عـاشـق ٍ حـظـه قلـيـل الـزمـن شـتـت دروبــه لـيـن ضـيـع بـــه جـــداه |
| وادعتنـي والهواجـس تحـرق الماضـي الجميـل والحـزن يملـى خفـوق ٍ مابقـى بــه غـيـر اااه |
| ويـوم قفـت هـب نسنـاس ٍتـلاعـب بالجـديـل ولاح لـي كـف ٍ يـوادع خافقـي ويطلـب رضــاه |
| |