فكرة فراق
بواسطة : بدر المطوطح
بتاريخ : 2013-10-03 13:35:57
من يوم غبتي يا غلاي الصدر ضاق
ما غير اصوّت بـ الشعر لك اناديك
هم المفارق شين ... و يسبب ارهاق
يا كيف تنساني ... و تنسى لياليك
تعال بـ اشرحلك انا ( فكره فراق )
تخيّل اتنادي وانا امشي و اخليك
وش موقفك لا صحت لي و قلت مشتاق
و انا مشيت و قلت : مابيك مابيك
بـ الله ما تنزل دموعـك معا شهاق
لا صار خلّك بـ الـمـحبه مـجافيك
يا روحي ارجعلي ترا الوقت سراق
اخاف اموت اليوم ماني حواليك
انـا اقـول البعد يحرقني حراق
و انتا ولا فكرت تقرب خطاويك
تعال و ارجعلي ابي لحظه عناق
بعوّض الي راح من زين ماضيك
و ناخذ انا وياك عهدن و ميثاق
معاد تهجرني و انا حيل اغليك
و نعيش بالدنيا انا و انت عشاق
ما تمسح دموعي سوا راحه ايديك
الديوان فكرة فراق
al-d1.com