بـ وصيّك
بواسطة : بدر المطوطح
بتاريخ : 2013-09-17 18:18:21
لولاي ما احبك ولا اموت انا فيك
ما كان عزيّت القصايد لـ فرقاك
اول من الاشواق لا حل طاريك
اسل سيف الشعر و القاف ينصاك
افز لا قالوا ..... حبيبك يناديك
و اليوم ما تسوى يقولون خلاك
لولاك ما زدت الحطب في تغليك
كان الامور بخير و القلب يفداك
لكن شـ قول الا عسى الله يهنيك
جعل الفرح ممشاك و الهم ينساك
ماني بقايل يا وفا الحب مابيك
لكن جبرني الوقت ماكون وياك
يطري علي بيتن قبل ما اخليك
و قبل تروح و قبل تِشّر بـ يمناك
مابي اعيش اليوم ماني حواليك
وشلون بَعيش العمر دون لقياك
يا روح روحي قبل تمشي بوصيك
احرص على نفس عسى الرب يرعاك
الديوان بـ وصيّك
al-d1.com