وش خانة الخوّه وانا عنك ماشيل
بواسطة : نافع بن طواله
بتاريخ : 2013-08-18 16:12:02
جيتك عشيري طامع بكسر سجني
شفت بعيونك للمآسي تعاليل
لو الحزن يعطى انا قلت عطني
آخذه منّك ماعلي بالمقابيل
لو الفرح يمنح عطيتك وشفني
اقدع همومك وآتقهوى البهاذيل
اشيلها حمولك ولو كَلْ متني
وش خانة الخوّه وانا عنك ماشيل
ارسم لك البسمه ولا رف جفني
اتصنّع الفرحه ولا ينكشف ليل
والترف ما يرحم وفوقه جرحني
لو لنت له لحظه نسوني هل الهيل
يذر ملحه ما يكفّيه طعني
ماهو خصيمٍ للسيوف المصاقيل
للعلم حزني داخل الجوف حزني
حليم لو صكّت علي التهاويل
ابيح سدي يم كتومٍ رفعني
يم العشير اللي دوا للمعاليل
واليوم يوم انه بعينه نظرني
مالي عن اشعال المحاني قناديل
نافع بن طواله
الديوان وش خانة الخوّه وانا عنك ماشيل
al-d1.com