الموت يوجع قلبك ان كان لعداك
.... وش لون لو صارت وغيب حبايب
العالم الله كيف حزنك تغشاك
.... تمضي السنين ولا نطفت لك لهايب
تقبل وتقفي مضيعٍ وجهة خطاك
.... شباب لكن من عنا الوقت شايب
يا حسرتك لاحتجت وصله ولا جاك
.... ما عوضوا فقده جميع القرايب
الموت موجع يا عسى الموت ينساك
.... لا تسال عيوني ورى الدمع سايب
لا صرت مثلي كل ظرفٍ تحداك
.... عمرك اسيرٍ للكدر والمصايب
تعتب اذا الضحكة تغافل شفاياك
.... كنك خطيت وقلت يا رب تايب
خل الذي يخفى دفينٍ انا ارجاك
.... لا ترهقه قلبٍ من الغبن ذايب