جلست اهوجس مـن اهني بذا العيــد
............... ومن الــذي يهنــــا بــه العيـــد قربي
ومن الــذي ينبــاس راسـه مع الايــد
............... ما غيرها ( امي ) نــور قلبي ودربي
كل عــام وانتي بسمـتـي والتغــاريــد
............... واليـــوم وينــك زاد هــمي وكــــربي
من فرقتـك ضاعت لحون الانـــاشيـد
............... ضــاع السعد اقفا مع طيور ســــربي
ولا عاد به عيد(ن)على النفس ويعيد
............... ولا عاد به فرح(ن)على القلب يـربي
امشي مـــع العالـم واهني الاجــاويــد
............... والقـلب ميــت مـا وقضه زود ضربي
ارجع وقول امي عسـى عيدك سعيــد
............... وعـسى من الكوثــر شرابك وشربي