رد معــلاقه
بواسطة : مهدي الدالي
بتاريخ : 2012-06-23 07:38:44
غريبه؟ ليش ماتسأل علي يانصفي الثاني
غريبه وينها وعودك وكلمة موت مشتاقه
خلاص؟ وهانت العشره رميتي قلبي العاني
جفيت القلب بالساهل رميتي كل اوراقه..!
حسايف كنت انا هايم وحبك وين وداني
خذاني للهنا والحين غيابك سبب احراقه
بسيطه يااعز الناس عساك بغيبتك هاني
ولكن ردلي قلبي لأنك كنت سرّاقه
احوم الليل واهوجس على طيفك اذا جاني
واسطر لك ورود الشوق واخلي قلبي الباقه
كفا ياليلي الموحش تخفي قرة اعياني
ابي قلبه علي يرجع وينظر عيني اشراقه
طبيعة فيني اكابر على من راح خلاني
ولكن ماقدرت انسى غرامك واكره اللحاقه
حبيبي شوف هالموقف وربي صادق لساني
انا بعدك كما شيخن وحيد ومنقطع ساقه
ابصبر والزمان احظوظ واذا ترجع بتلقاني
على ماضيك انا عايش وقلبي صرت باعماقه
انا مالي كلامن لك واظن العيب عداني
واذا ناوي على الغيبه خفوقي رد معلاقه....
مهدي الدالي
الديوان رد معــلاقه
al-d1.com