زهرة التوت
بواسطة : راشد عبدالرحمن
بتاريخ : 2013-07-21 08:25:28
الله على الي ذوقتني من التوت
من حلو شفتها سقتني حلاها
في خدها نورٍ مطرز بياقوت
وفي جسمها كل الحلا احتواها
الزين فيها ما يسطر بالبيوت
ديوان شعري ما يكفي حلاها
احبها والحب ظاهر ومثبوت
واسعد وافرح يوم ابلغ رضاها
انا اسير الخد والرمش والصوت
وشفاتها سبة جروحي ودواها
يالله تجمعني بها زهرة التوت
ويالله لا تحرم عيوني مساها
راشد عبدالرحمن
الديوان زهرة التوت
al-d1.com