الايام تقسى
بواسطة : عمر الهمزاني
بتاريخ : 2013-07-04 15:15:36
الايام تقسى والليال التوالي عوج
وانا علتي من بين الاحداب رواجه
اكنه وانا رجلي تسوج الفيافي سوج
اعاكس هوى نفسي ولو كان محتاجه
ياكم طاري ٍ روح من القافية مسهوج
وانا ابيه.. لكن الطواريق دواجه
وياكم صامل ٍ عود من السالفة مفلوج
يبيها وصارت تالي الوقت منعاجه
وياكم خافق يمسي من الفانيه مزعوج
تهشم ضلوعه والدهر زوّد اخلاجه
وانا دجت بالدنيا لقيت الحيا منتوج
يالو كان بعض الخلق تدفع به الحاجه
مشاريه فيض النفس من دونها مسروج
خطاة ادهم ٍ ماكد مضى عاود ادراجه
هذاك الصبر لو كان باب القهر مهجوج
يرده ولو زاد العنا فيك للصاجه
وخطايا الظنون اللي تجي بالحشا وتروج
مصير الليالي تكشف السر وعلاجه
ألا يالخفوق اللي تجيك الطواري فوج
نصيحه تناسا وأقضي العمر سوهاجه
الديوان الايام تقسى
al-d1.com