.
انا لقفيت لا تحسب ابنظر للورا واعود
.......... وقدرٍ طاح من عيني ابد ما يرتفع فيها
انا وفيت لعهودك على طول المدى موعود
.......... ولكن خنت ميثاقي ولا فكرت توفيها
خلاص ابعد وخليني لرحمة خالقي المعبود
.......... جروحٍ بالحشا نامت حرام انك تصحيها
انا في عالمك غادي حقيقه صرت لي مفقود
.......... طفت شمعة غلانا في يمينٍ كان تحييها
ابد ما يلحقك شرهة ولا بحملك منقود
.......... رمينا سهامنا لكن هدفنا غصب يخطيها
حسبتك فرحة سنيني ونوري بالليال السود
.......... لقيتك تزرع اشواك العنا بدروب نمشيها
وش الي ترتجي فيني وش الي بالعمر معهود
.......... زمان فات لي بدل معاني كنت تغليها
لك الله والعوض بالله كريمٍ بالعطا والجود
.......... وقلبي للأسف عيا ذنوب الحب يمحيها
تبي تعتب وتتعذر ابد لا تقلل ولا تزود
.......... وكنت وكان واصبحنا في حاضرنا ننافيها