مبداي فالعشق من مبداك // بس اترك الصد والغيره
بتروح؟ ما مت من فرقاك // بتحبني !جعلها خيره
انا ترى لو بغيت انساك //ما صابني فالأمر حيره
لو كنت اشفق على لاماك //والوضع ياصعب تصويره
بتذل قلبي عشان ابغاك //حبك بنلقى ترى غيره
لو قلت مابه مثل شرواك //اجاملك لأني أميره
درب يجيبك رجع وداك //وانا ما اداني مشاويره
زمان قلبي تراه فداك //كنت احسبك من مقاديره
واليوم وش عاد لو ما القاك //والقلب ضاعت تدابيره
بتروح؟مامت من فرقاك // بتحبني !جعلها خيره