.
لو سقط شعري وذاب الحسن ذاب
.................. ما يأثر في عيون امي وأبي
البلاء بالناس وبقل الصواب
.................. في سؤالٍ منهم دايم غبي
ليتهم بالفعل يبغون الجواب
.................. ما شكيت الحال وازداد تعبي
ما كفاني رحلة بليا اياب
.................. وغربةٍ تسبي من عزومي سبي
ما كفاهم ما طواني من عذاب
.................. وظلمةٍ غطت صباحي بالعبي
اتعثر في حروفي والعتاب
.................. ليت حظي ينحني للي ابي
بينهم واعيش كني في غياب
.................. هاجرٍ نومي وعايف مشربي
ليت حلم العمر ما يصبح سراب
.................. ليتها اقداري تحقق مطلبي