ظل الحنين !
بواسطة : سلطان انغيمش
بتاريخ : 2013-06-16 16:25:42
يامحيط الصمت ماخذني لـ وين
تغرق احلامي ولاعندي كلام !
ع الأقل عطني على قد السنين
واحشم ايامي وانا عندي مرام
شوفني أضحك وأنا أكبر حزين
شوفني واقف على هام الغمام
كنت أحب أشوفها في كل حين
وراحت وماشفتها من قبل عام
بعدها عايش تحت ظل الحنين
عن هجير غيابها تحت الغرام
شفت هذا الكون صمت ودمعتين
من عيون الشوق طاحت لـ الظلام
آتذكر وجهها وأضحك إلين
يختفي عن ناظر أفكاري وأنام
سلطان انغيمش
الديوان ظل الحنين !
al-d1.com