عـطـر أنتـظـاري !!
بواسطة : بندر المطيري
بتاريخ : 2013-06-02 15:14:15
ماطلبت من الزمن رد أعتباري
يوم ماشيّد على أحلامي صروح
غلطتي وواجب على نفسي أعتذاري
قبل لا طيري من أضلاعي ينوح
إيه أبيّن للعدا عكس أنكساري
وأتوارى لاظهر لـ الدمع روح
ووالله أني لو نطقت بما أداري
كان حار اللي على أسماعه أبوح
كم جبرني لـ السهر بايع وشاري
وطاب حظه من لقا مثلي سموح
كل شي(ن) قد خذيته بـ أختياري
غير قلب(ن) كاسراً دونه طموح
أتضايق لاغزاه الضيق جاري
ودون همه أشبع أسماعه مزوح
حافظ(ن) في قيمة حروفي وقاري
وواصل أرحامي واعنّلها جموح
وعن غلا محبوب يوم الحب عاري
يوم كل(ن) في سنا شمسه يلوح
جيت ساتره بـ غلا حبي لداري
وراح مدري وين..! حتى أني أروح
ماتلاشى بـ غيبته عطر أنتظاري
دام تحته جمر صبري له يفوح
وأن رجعلي أرجوه لا ينفّض غباري
ماورا هذا الغبار ... ألا الجروح
الديوان عـطـر أنتـظـاري !!
al-d1.com