شفت الجمال
بواسطة : محمد العبيوي
بتاريخ : 2012-06-21 01:25:14
شفت الجمال بكوننا فيها . . التجا
ما طافها حسنٍ / ولا عنها حدر
سوادها ،، يكسي الليالي ب الدجا
وبياضها ،، ينور وجه صاف البدر
وفي وصفها فم الطبيعه . . يحرجا
كيف ان يوصف شي ومثاله . . ندر
ومن شاف عينيها ،، فلا والله نجا
عد الحلا . . كل من وردها ما صدر
في سحرها من هو دخل ما يخرجا
لو غسّل بمقرّي مايه / والسدر
ولو شافها شاعر تبادر . .للهجا
سب النسا بعجزه ومدحها بالصدر
الفارقه تسرق قلوب / اهل الحجا
ذخر الاناقه والبقيه له . . هدر
(ملفى الأماني) بوصلها كلٍ رجا
وخابت أماني من بغاها بالكدر
وصالها ،، لغزٍ محد يستنتجا
غير الذي تضحك له شفاه / القدر
الديوان شفت الجمال
al-d1.com