جددت جرحٍ
بواسطة : محمد العبيوي
بتاريخ : 2013-05-27 21:20:07
لاوالله الا طال ليلي بعد زود
ياصاحبي ماعاد جوي بكايف
طريت ياماجد على القلب مفقود
ومن يفقده قليل فيه الحسايف
جددت جرحٍ داخل القلب موجود
جرح نزيف فوق خدي ذرايف
ذكرتني وانا بنساه ياكود
ياكود انسى وانت قلت الولايف
اللي قبل عامين او يمكن بزود
كنا سواء بأحلى انسجام وتكايف
كلٍ هوى الثاني ويهديله ورود
كل المشاعر مابها شعور زايف
متبادلين بالوفا بيننا عهود
ومتشاركين بالغلا بنصايف
ومتفاهمين بالنظر ويش مقصود
غير الحكي نفهم بعض بالطرايف
اثنين شيٍ بينهم ماله حدود
احساس يملك جميع الطوايف
حب من اول عصر وازمان وعقود
وللقرن هاذا عايش بس خايف
خايف شريف الحب من كل منقود
في وقتنا اللي للشرف صار عايف
لا وحسافه صاحبي لين العود
لا واحسافه زين كل الوصايف
ولا واحسافه عمر ماهو بمعيود
ان راح ياماجد برجوى جزايف
باصيدلي جازي وعوت مصيود
معى فشق بندق وجتني قذايف
سلمت نفسي مابذلت اي مجهود
كني ارهابي صار في وجه نايف
ذكرتني فيها ومافدت لي فود
ذكرت انا خد الحلا والشفايف
والرمش الاسود عاقدله السود
وسواد شعرٍ ينسدل لردايف
ياويل من قلبه عشق قيد بقيود
كنه عمى ينقاد لو كان شايف
والحب ماهو حكي ينقال مسرود
من حب مايذكر كثير الولايف
واللي بقلبك خل صدرك له حدود
سولف به لنفسك وعد الحسايف
الديوان جددت جرحٍ
al-d1.com