ياجدتي كثر التجاعيد بيديك
من عتق طيبك قبل عتق السنيني
دايم ارددها وقلبي يراعيك
ارضاك غايه من رضا والديني
اشوف بك جنة حياتي وبرويك
في كل ليله بين نفسي وبيني
وانام ع الذكرى ليا صرت اطريك
كنك تمري غرفتي تندهيني
يابنتي قومي له صلاتك تناديك
ولاتعالي اجلسي سامريني
بنثر لك الشعر الحداثي توماتيك
واجر بالمسحوب صوت الحنيني
لديار منهو عالمتبه ويخفيك
اسمه ووصفه وكل كلمه بعيني
ياجدتي وان صار بالحب تشكيك
هذاك ماوالله لمس لويديني
انتي الوحيده سامعتني وانا احكيك
وانتي وغيرك شايف الطهر فيني
اخذت من زينك ترى الزين حاويك
ومن زين حظك صار حظي عويني
ياجدتي كثر التجاعيد بيديك
من عتق طيبك قبل عتق السنيني
ذهـــب الشمري