الـفـراق
بواسطة : بندر المطيري
بتاريخ : 2013-05-09 17:31:52
بلاش دمعك ترا ،،،، ماعدة مكسب لي
خسرت فيك الأمـل ،،،، وأقبل معاذيري
يحسب عليك الجفا والعكس يحسب لي
خليتني ،،، لـ الأسف أجمع مخاسيري
أرجوك مافيه داعي اليوم تتعب لي
الـدلـوّ عشعش عليه الهم ، يابـيـري
وش حيلتي والوهم قطاع كل سبلي
والحظ عكسي ، ليا هانت مشاويري
العام تشكي الجفاف ، وجيتك أبوّبلي
ومن عقب ماأزهر غلاك أنكرت كل خيري
ماخذت عبره من اللي حب من قبلي
واليوم أجني ،، حصيلة كل تدبيري
أبليت فيك الـوفـا ، وعوّدتبي مـبـلي
وخليت وكـر الـغـلا مشكور ياطيري
اليوم يوم الفراق وصرت منت ابلي
أتعبت نفسي معاك ، وهان تقديري
لو كنت أدري ، وش الأقدار تكتبلي
ماكنت أتعب عليك ، وياخذك غيري
الديوان الـفـراق
al-d1.com