مراسيل المحبه
بواسطة : محمد العبيوي
بتاريخ : 2013-05-07 16:49:11
في مراسيل المحبة وش بقى
غير أربعة الحروف اقولها
قصايدي باسمك / وفعلي لك رقى
وويش حاج المربعه لهطولها
جمعتنا أبهى أيام اللقى
والعواذل كبدها بغلولها
جيت لي ضايق من أيام الشقى
وجيت يمك قصةٍ بفصولها
قصة الظامي وفي قلبك سِقى
ومبخل المزنه بشحّ سيولها
كيف تحرم من حوا روحك نقى
كلمةٍ مدلولها بحلولها
خلها يا قلب بالوجد اشهقى
وقافلتها سايره بحمولها
عز روحك لا تنازل تحرقى
ثم تساقط عقب سعيك حولها
الديوان مراسيل المحبه
al-d1.com