غاب نور القمر والظلام ازداد=مابقى غير خيطٍ يقدّيني
كل ليله وانا انطر على الميعاد=عتمة الليل تسرق نظر عيني
السماء دلّتي والهلال اقناد=والقدوع النجوم الملاييني
صرت كنّي من اهل الفلك رصّاد=نجم يمسي ونجمٍ يسرّيني
صار قلبي لكوع الهموم اشداد=لا ارتكت خطر تقطع شراييني
صار عقلي لكثر الوساوس زاد=تنهشه مثل نهش السراحيني
صرت أجاهد هموم الليال اجهاد=واقتل بيوم عشرة شياطيني
انظر العمر من جملة الابعاد=واجمع افراحه ولا تسلّيني
كيف ابحيا وفيني جروح اجداد=عيّت اتقر منها موازيني
جرح الايام ماله دواء واضماد=جرح حسّي مهو جرح سكّيني
ليت ياهاجسي تقطع الامداد=مابقى دمع للوقت يكفيني
انتخي في قصيدي ولامن جاد=شال بعض الحزن واعتنى فيني
كيف لو ماني ابشاعر وقصّاد=كان ماغير موتي ينجّيني
ياقمر ننتظر ساعة الميلاد=يصبح النور مابينك وبيني