( شاهي بال حبيب )
بواسطة :
بتاريخ : 2013-04-24 15:07:09
يامحمد وافق الموت الذبول
...في مسا الشاهي وانا فجري قريب
صرت مثلك في دياجيري ميول
... للهدوء ، لصوت فيروز العجيب
لين جتني كنّها قرع الطبول
... واشتياقي موت واحزاني نحيب
جت وانا ادوّر للهفاتي حلول
.. مع قصيدك، والهوى وجهه كئيب
قالت: اسمع، قلت: تايه ومعْلول
.. قالت: اسكت، قلت: محتاج لطبيب
الرياض اشتاقت لورد الفصول
.. وانتي بْجدة ،، ومحبوبك غريب
ادخلي الكوفي وانا شوقي يطول
.. اطلبي "كافي"عسى كيفك يطيب
أنا لو جنبك أبتبسّم واقول :
...هات ياجرسون( شاهي بال حبيب)
الديوان ( شاهي بال حبيب )
al-d1.com