وإذا يعني كلام الناس ؟!
بواسطة : حمـود العجمي
بتاريخ : 2016-04-13 14:57:58
- السلام عليكم ورحمه الله .. كثير ما نسمع عن كلمه ( كلام الناس ) شيقولون الناس ؟ شقول للناس .. للأسف هذا الموضوع صار هاجس يأرّق المجتمع اللي عايشين فيه من حولنا .. صار يطول البعيد عنك قبل القريب .. الاغراب قبل الاصحاب .. وللاسف بعض الناس حياتهم ما فيها اهداف او اشياء تشغلهم لدرجه انهم مفرغين نفسهم للناس اللي حولهم ... في كاتب ماعرف اسمه للاسف يقول ( تنتهي كل الاحلام اذا تمنيت ان تكون شخصاً آخر ) لذا ما عليك بكلام الناس .. سوّ ما براسك ولا تهتم ، طبعا بحدود الادب والاحترام والذوق العام .. الناس مسولفين مسولفين .. بكل الحالات لذالك احرص انك ترضي نفسك وضميرك ولا تفكر بشي فيه كلام الناس لان بالنهايه نفسك انت اللي تتحكم فيها لا تسمح لكلامهم يكون مقياس لنظرتك لنفسك ،، جورج برناند شو يقول ( القاعده الاولى للفشل هي محاولة ارضاء الجميع ) وبعد - الكاتب المشهور روبن تشارما ب كتاب ( الراهب اللذي باع سيارته الفراري ) اقتبس منه " لا تهتم لحُكم الآخرين طالما انك على يقين من صحة سلوكك وتصرفاتك " ويكمّل بـ " ايّاك ان تعوّد نفسك على قياس قيمتك الذاتيه بناء على اجمالي نظرة الناس لك ، وتقديرهم لك " عزيزي القارئ .. العمر مرّه .. لا تخلّيه يفوت وانت حارم نفسك من اللي تبي تسويه وبخاطرها لان دائماً وابداً لا تنسى .. نفسك لها حق عليك بعد .
الديوان وإذا يعني كلام الناس ؟!
al-d1.com