كان المسى داعب مشاعرك بغرور ** أنا خـفـوق من التباريـح ذايب أفقدكْ كني ميّت إحساس وشعور ** القاك وارقابك متون السحايب

ليت لي رمش ٍ على الدمعة قوي * ليت لي نفس ٍ على قلبي شديدة *** ليتني بالعزم لي عزم بدوي * ولا هزمتيني بحبك يا عنيدة

بين طيف وخيال .. بين صحو ومنام ** هاجسك في عيوني .. صورتك ما تغيب *** تستبيح الحنايا وأنت كلك سلام **لو جرحت المشاعر غصب عنها تطيب

من الصباح تنادي الوصل روحي**وأمسى النهار وحضرتك ما تكرمت***مـدري تعاتبني بجـفـاك وجروحي**والاّ تعودنـي عـلـى الصـد بالصمت

إنسان وأحمل داخلي الف إنسان**قلب وعلى نبـض المخـاليق عـايش***أكـره نـعـم أحيان..وأحب أحيان**عاقل وأعيش بوقت جاهل وطايش

متى تقدرني تحس بحنيني**متى أسولـف لـك سـوالـف مـوالـيف***متى أقول إنك حبيبي وظنيني**تعبت أعانق بسم الأشواق لي طيف

تنحب وفيك من الخصايل بلا حد**ومنت بـ على القسوة معوّد ووالف***غـمازتـك الـيـا تـبـسـمـت بالخـد**كـنك علـى ذبح المـخـالـيـق حالـف

طواني الياس والدنيا عريضه * على كبر الأماني شلت همي *** نفوس الناس لو طبنا مريضه *** عزايا عقب ياسي ضحكة أمي

قيدت قلبي بالعهد والمواثيق * وبنيت لي نصب وطرقت المقابر *** صحيح لحظة تيّبس الدم والريق * فرقى ولا كسر الغلا والخواطر

لا صرت تقطعني وأنا صار بي عقوق * لاترتجيني والجفا بعض جودك *** وجه السما شاحب وصدري به حروق * وجه النهار أظلم وموتي صدودك

عينك اللي فـ عز صحوتها نعاس * رمشك اللي كل ما شفته جبرني *** أمس أقاوم ياس ، والبارح بياس * قوم صبّحني ترى ياسك كسرني

ياصبري الليلة بعد ليلـتي أمس * وأنا بصدري من شقا البارح آثار *** هذا وتو عصير ماغابت الشمس * الله يعيـن الـقـلب لا صـار ما صار

يمكن أشره بس لايمكن أبيع * يمكن أتعب بس ما أطيق الجفا *** كان تبـكـي خـلـٌنـا نبكي جميع * بس بدال الضيق .. نبكي للوفا

الجديد الشوق يالجرح العطيب * من بعد ما غبت وش عاد الجديد *** العرب حولي وأنا قلبي صويب * بـس ادور عن عـلـومـك يـا بعـيـد

إليا حكت مالت لها أعناق ورقاب * وبسكوتها توّرد العمر للموت*** بنت ولها في قمة المجد مرقاب * ورجال ماتوا مالهم بالزمن صوت

يومين والثالث أشوفه طول * مدري متى تلمح عيونك عيني *** أول غلا ودايم غلاة الأول * تفرق وأنا ما أبيع من يشريني

إذا الفرقا تدورها طلبتك خلها بيديٌ * حرام إنك تشوه ذكرياتك والغلا فيني *** أنا ما عاد لي حلم ٍ أبيه ولا بقى لي شيٌ * أبحيا عمري الباقي على الذكرى تكفيني

الضيق يا (.... ) إذا قالوا الضيق * هذاك أنا في غيبتك والمواجع *** الهم كنه من صدور العرب سيق *** يمي وأنا مليت كثر الفواجع

ياكريم النزف أتعبت القلوب * تدري إن البعد ماهو بإختياري *** ماتت الخطوة على حد الدروب * كيف أبمشي لك وجرحي منك عاري

التمادي بالوهم أصعب جنون * وعاشقك ما هو برجال ٍ خلي *** بين حد الوصل والفرقا ظنون * مع غروب الشمس تكفى سم ٌلي

رد السلام وخل الأشواق للوقت * باكر مع الأيام بتموت فيني *** ترى الشجر مع الشتا لازم يحت * الأ زهر حبك زرعتيه فيني

إنتظرتك لين ملٌ الإنتظار * أحتريتك لين أتعبت الصبر *** غبت متهني وأنا عشت بحصار * هذا هم وذا عذاب وذا قهر

أنت في لمسة يدينك لي نجاة * أنت حبك للمهالك ساقني *** ضمني عطني من أنفاسك حياة * ولا تنفستك لصدرك ضمني

أزريت أعالج جرح الأحباب وأقسى * عجزت أرد أيديٌ عن مدة الطيب *** سافرت أبي فـ صدور الأيام مرسى * وأثر الزمن ماهو براعي مواجيب

ليت الهموم أوراق بيض ومنابر * ليت الوله دمعة على الخد وتهون *** مير البلا إن التجافي مكابر وأعظم بلا لاقاموا الناس يحكون

يمكن تروح وأفقدك يمكن القاك * يمكن تضيعني أعوٌد أجيلك *** يمكن بداية حلم مغليك فرقاك * يمكن بعد هذا العذاب أنتهيلك

الحزن ( معتز ) بصدور الليالي وجع ** والدمع دمعة( مؤيد ) يوم قفٌى يصيح **** البارحا رمش عيني عقبهم ما هجع ** القلب ما هو على كبر الرضى مستريح

شمس الأحد غابت تعاني من الضيق ** وفـ صدرها من فقد معتز غصة **** وشمس الأثنين تغيب .. شوي وتويق ** كن المسا قص الضحى وسط نصه