‏مدري الصّوَر متــآمره .. وإلا إنا فيك انفتنت .. وصارت عيوني كامره .. ماشوف فيها غيرك انت ..

‏يوم الزئير ايكلف اصحابه كثير الكلب شح ولا نبح حتى الجمل عاف الهدير وصوتنا صج المدى وش بس اقول إلا أنّها هي هكذا الأيام يالغر الصغير

‏جور السهر بعيونك السود واضح بانت تفاصيله على محجـر العين وحتى الشرود اللي بدا فيك فاضح شرهه عتب وافي على ناس غالين

حصرت لك بعض الجمل بين قـوسين شطريـن وانـت انسـان عاقل وتخـتار ( عمر الوضاعه ما اعتلت بالخسيسين وعمر الكرامه ماكَلَت حق الأخيار)

ًً‏ً‏ً‏كل كفٍ(ن)لوّحت لك بالجفا ،، ،‏جاوب التلويح تلويحة وداع ،، ،‏وصد عنْها لو يقول القلب أفـا ،، ،‏الخفوق بْـ هالمواقف مايطاع ،،‏‏ً‏ً‏

‏ً‏ً‏احيان اشوف الصمت حكمه وقوّه ،، ،‏واحيان اشــوفه ذل واكبــر إهانـه ،، ،‏والصــح مــرّه للحكيــم الـمُفَــوّه ،، ،‏ونـوب الشجاع وبـس يدرك مكانه‏‏ً‏ً‏

‏ً‏ً‏حب الردي مو عيب لو هو ندامه ،، ‏،‏لكن يعيب اللي رضى فيه صاحب ،، ‏،‏استثنوا اللي حب يأهـل الملامـه ،، ‏،‏القلب ما هو مستشيره إذا حب ،، ‏‏ً‏ً‏

يا قلب وش بك لي متى وانت ساذج تراهن على الخسران وااشيل ذنبك ًً

‏سلّني في ضيقتي وان ماقدرت ‏،‏لا تزيد الهم بي وتْعِلّني ‏،‏وان نويت الصد عني واستخرت ‏،‏دلّـني ،، درب الفراق ،، وخلّني‏ ‏ً‏ً‏

‏ً‏ً‏نفضت كـفـي من يدين المخاليـق ‏،‏ماني مقصّر لا ولا مرتجي شي ‏،‏ودام النوايا بالصدور المغاليق ‏،‏يالله عساي بظلم الاجواد مَمْشي‏‏ً‏ً‏

‏ً‏ً‏ياصاحبي لا شفت ضيقي تعدّاه ‏،‏لا تبحث الخافي وتبلش بالالغام ‏،‏خل الخفوق يْصارعه ويتحداه ‏،‏وانت ابتعد لا تقترب له وتنلام ‏‏ً‏ً‏

‏ً‏ً‏عزّي لِـمِن صارت هقاويه كذبه ‏‏شاف القهـر ميّـل عليـه وتلفّت ‏‏شجاع لكن طاح بيدين عصبه‏ ‏وعيون حساده بكسره تشفّت ‏‏

غفا الجارح وانا من طعنة البارح على رف السهر سارح أشيل الهم وأرضخ به وأطارح حزني مْطارح

امسح خطا الغالين لجْل الأخوّه . وغيري مسح خوّه على شان غلطه

يوم شفت الضيق من عينك يويق. استحى فرحي وقال أ سْ تَ أْ ذِ نِ ك

ًًقال أغيب وقلت يالغالي ترى نعمة النسيان ما خِلْقَت عبث غاب ابوي وجرح فقدانه برى طاب كنه في خفوقي ما لـِبَثًً

عزي لمن صابه شقى ضيق الارواح وهمّه دمر نفسه وزوّد غثاها فاقد عزيز الروح والفقد ذباح يسلب سعادتها ويبحث خفاها

بكفر بحبك واعتنق عزة النفس ،، واهجر نعيمك واحتضن فقر الايام ،، وأموت بك محشوم ماعيش بك طفس ،، واصبر كما تصبر على ضيمها الشام

سكّر على بعض المواضيع بالدرج ،، واطرد صديع الراس لاجاك يفتي ،، وان وزتك نفسك على الهرج والمرج ،، إرفض وحذرها تراك انحرفتي

سبحان ربك يا سما ،، تبرق ورعّاده رما ،، والما هما ،، فاض وطما ،، كبد العطش واروى الضما ،، وانتي كما ،، غيم ارتما ،، وسط الحما ،، جيت احظنك وارقى سما

سهيـت من ليـلة غيابـك بذكراك اشد وارخي حبل الافكار واتليه أثر الزمن قفا وانا ساهي أقراك مر وتعداني على اطراف رجليـه

ما جيت أدوّر للسهر باب وأسباب .. يا صدري المزحوم أبي درب للنوم

سهيت وقمت أسولف بك وعيّا الليل لا يقضي وعرفت بيومها إنـي ،، أنا والليــل عشاقك

لا باعِـتـك دنياك لهموم الايام لا تنحني وتْعيش بإحساس مملوك خلك مِثِل عِرْوَه على العز مقدام لجل الضعيف وحاجته عاش صعلوك

ً لفته كريمه من معاليك يالغيم هذا أنا والقاضي انت وضميرك طفل ٍ سهى في موكبك والمراسيم واستنفر الاحساس قصده يثيرك ًً

على جمر السهر فاحت عيون ٍ تنتظر شوفك تعال وبهّر النظره مزاج العين متعومس

لاقمت أطرّي من رقوا هامة المجد. ماضي هل الهدلا بفكــري تجوّل لبّاست الجــوخ الحَمَر عَنْبَرَة نجد لا كَبـْرَت القـالـه هم الصف الاول

تم تم ت بك تمتمت بك بعض الحروف ولمت بك. ليل الجفا واضرمت بك نار العتب لين اشتعلت وقمت بك. ارفع بقلبي وارجده. لين اكتفيت ونمت بك

ليت القلوب الساليه علمتنا. وشلون نقفي مثلها يوم قفّت كان انتهت سيرة غلاه وصمتنا. ونفوسنا عن طاري اللوم عفّت.

خذ جروحك مابقى فيني مكان ممتلي صدري وفايض بالقديم. البشر كفّـوا ووفّـوا من زمان مـ تْركوا بي لو مغز ابره سليم