تسجيل الدخول
الاكثر أعجابا
الاستفتاء
ماهو تقييمك للموقع
القائمة البريدية
المرجله
من لا يروم المرجله من فطامه
عيب تغطى عنه بيض الرعابيب
…
أحد يدور بس برد السلامه
وأحد يدور مجد لو بالمشاعيب
…
أنا أشهد إن الطيب كله زعامه
وأنا أشهد إن الذل كله عذاريب
…
من لا يصير لقمة المجد هامه
يصبر على العيشه بكدر المشاريب
…
الحر ما يرضى بصيد الهلامه
وإلا الردي يعيش بين المغاريب
…
عن الذل يرفع طير شلوى مقامه
له موقع بين النشامى هل الطيب
…
ينعد لا عدوا رجال الشهامه
يبين لا صكت عليه الكواليب
…
واحد حياته كل أبوها ندامه
من طلعته لاما غدا عارضه شيب
…
لا حاش طيب ولا يثمن كلامه
عند المره يوصل طلبات ويجيب
…
تامر عليه وملبد كالنعامه
ويعد نفسه من طوال الأشانيب
…
يمشي وراها وكان فكت بلامه
يعد نفسه سالم الزير وكليب
المرجلة ..
الوسام الحقيقي للرجولة ..
شاعرنا الرائع مرس بن طواله
عميقة هي أبياتك ..
وعظيمة هي معانيك ..
صح لسانك شاعرنا الكبير ..
ربي يحفظك دائماً وأبداً
أمنياتي