تسجيل الدخول
الاكثر أعجابا
الاستفتاء
ماهو تقييمك للموقع
القائمة البريدية
يمـــه
ابوس انا رجلها واشم شيلتها
فرضٍ عليّ قالها القرآن والسنه
اقدم الروح والله حدر خطوتها
ييمه تحت خطوتج بالآخره جنه
ياما حلا هرجها واطياب حنتها
تطبع على القلب من زود الغلا حنه
ياما محت دمعتي باسباب حضنتها
بدون ما تذكر الافضال والمنه
ياكثر مـَ اخطيت ثم سببت دمعتها
وتعود ترضى لجل مـَ تعكّر الظنّه
العز مايشرق الا بصوت دلتها
يشرب معاها صفا الفنجال مع بنّه
ويغيب صوت الفرح في يوم غيبتها
واذا اقبلت يصبح لفرحاتنا رنه
يا جعلني ما اذوق بيوم ضيقتها
وياجعلها ماتذوق الآه والونه
واذا انكتب يومها والروح ملّتها:-
يالله عطني الحريق وعطها الجنه..
مهدي الدالي..
الأم ..
دوحة الحنان وجنة الصدق والأمان ..
الله ما أجمل الأم وما أروع الصدق في حضارات قلبها ..
شاعرنا .. مهدي الدالي ..
أبكتني قصيدتك وسالت دموعي ..
كم وددت لو أن والدتي رحمها الله هنا ..
الله عليك ما أروع إحساسك وما أجمل كرم نبلك ..
حفظك الله والدتك وحفظك لها ..
وصح لسانك ..
أشكرك جزيل الشكر ..
أمنياتي