تجي تقرا

وين ذيك الجادل السمرا

ـــــــــــــــــــــــــــ اول احلامي وتاليها

من يعلّمها تجي تقرا

ـــــــــــــــــــــــــــ ياعذابي من تجافيها!

والله ان الجرح مايبرى

ـــــــــــــــــــــــــــ لين تهمس لي بـ اشافيها:

جب قصيدة غير وانت ادرى

ـــــــــــــــــــــــــــ شاعر  وتقدر تسويها

مبدع او مجنون بالأحرى

ـــــــــــــــــــــــــــ المواهب وش نسميها!

من كثر ماترحم الفقرا      

ـــــــــــــــــــــــــــ نفسك الوهاب مغنيها

لك قطيع نياق في الصحرا

ــــــــــــــــــــــــــ والمدينة لك نخل فيها

 نبع فكرٍ صافي المجرى

ـــــــــــــــــــــــــــ تدرك العطشا  وتسقيها

كوكبٍ لك فالسما مسرى

ـــــــــــــــــــــــــــ والكواكب في مساريها

من دواخلك  اطلق الأسرى

ـــــــــــــــــــــــــــ المشاعر لاتداريها

..