أضف تعليق
ارسال الى صديق
طباعة القصيدة
مشاركة القصيدة
أبلاغ عن خطأ
+0
-0
تسجيل الدخول
الاكثر أعجابا
الاستفتاء
ماهو تقييمك للموقع
القائمة البريدية
سالم علي الشمري 
إتبع طريق الصمت لا تتبع الهَرَج // لا صار ثلثين السوالف ... سماجه !!
حــايـــل ...
الـبـارحـه سهران طاويني الياس
مجروح روحٍ والـدهـر فيه ميله
في مجلسي جالس ولا فيه جلاس
غير الهموم اللي بـ قلبي ثقيله
غـديـت مـثـل اللي وحيدٍ وحـراس
يـروح يـرجـع ساهرٍ طـول ليله
لاشـك في قلبي ثمانين هـوجـاس
ولاشـك حـالـي بـ المفارق عليله
بأسباب معشوقٍ فـلا مثله أجناس
والله يـفـداه الـربــع والـقـبـيـلـه
لاشك عقب البعد بـ الحيل محتاس
ودّي بـ قـربـه مـار مامن وسيله
حايل .. أحبه حـب ماهو بـ ينقاس
أخـيـر مـن حـب الخليل لـ خليله
دار الـكـرم والجود يا دار الأوناس
دار الشجاعه والسيوف الصقيله
دار الفعول اللي تشرف مع الناس
دارٍ فـــلا نـبـغـى بـدلـهـا بـديـلـه
دار الطنا دار الـوفـا دار الأفراس
دار القصايد والـبـيـوت الجزيله
داري تراها في دجـا الليل نبراس
وأحـنّ لـه وأشتاق لـه وأشتكيله
وعسى الولي علاّم مايخفي الراس
يسقي دياري من حقوق المخيله
وصـلاة ربـي عـد مـاهـبّ نسناس
نـبـيـنـا المعصوم عــن كــل ميله