أضف تعليق
ارسال الى صديق
طباعة القصيدة
مشاركة القصيدة
أبلاغ عن خطأ
+0
-0
تسجيل الدخول
الاكثر أعجابا
الاستفتاء
ماهو تقييمك للموقع
القائمة البريدية
الطلع النضيد
> للاستماع <
والله انه بالفخر تفخر بـي ابيات القصيد
اعتزت بي كل فكره .... وشربت فنجالها
عن هزيل الهرج واحساس الشواعير البليد
وعن دروب العيب ، والشرهه بكل احوالها
وابتدأ المشوار معها ، وابتدأ الشعر الفريد
وانا ابوها فـ المواقف ...... يوم ميّل خالها
القصيده ... خيل / والخيال له راسٍ عنيد
عقب اللي ممتطيها .... كـان وطـى فالها
في يميني من رسنها جرح كـل ماله يزيد
ما ارتخى يوم الكدايش ترختي بأحبالها
مر بستان القصايد ... والله الله بـ النضيد
و لا تطول إلا اللي محدٍ قد سبقك و طالها
يابسات العرق ماهي مثل خضران الجريد
والاوادم فـ الحياه .. اتداري راس اموالها
لا اتشكى للعبيد ...... وفوقنا رب العبيد
والقصايد عن همومك .... خلها في حالها
خل اكبر هم عندك .. يبقى لك ذكرٍ حميد
ماتدوم الناس ....... لكن دام ذكر اقوالها
كل رجلٍ في وعوده ما يبور .... ولا يحيد
هكذا الافكار جتني .... واشربت فنجالها
محمد السبيعي