أضف تعليق
ارسال الى صديق
طباعة القصيدة
مشاركة القصيدة
أبلاغ عن خطأ
+0
-0
تسجيل الدخول
الاكثر أعجابا
الاستفتاء
ماهو تقييمك للموقع
القائمة البريدية
خطأ والدينك
| |
| الله علـى نظـرة عيونـك يعينـك كم ذنب شاله عاتقك من محيَّـاك ؟ |
| ترفقـي فـي صاحبـك لايديـنـك من طاح في غبة بحرهن من احكاك |
| ياللي مواثيـق الغـلا فـي يدينـك هو ماكفاك اني من العـام بحمـاك |
| اسقي هيامك واستقي منـك لينـك عقب الظما ارويتي عروقي بْ ماك |
| الله يبيحـك عـن خطـأ والدينـك غنوا على شوفك وانا حقي اشقاك |
| مدري من النرجس هلك قاطفينـك والا نما عودك على شَجْرِةَ الـرَّاك |
| او هم من بطون النحـل جالبينـك والا من الجادي او الغيـم مربـاك |
| حتى البنات اللـي تحلَّـن بزينـك غصب ٍ عليهن بس في لحظة ادراك |
| تهامسن حسـره ونادنـك وينـك!! ماالله عطانا ربع ماربك اعطـاك !! |
| تهت بغرامك قبـل شوفـي لعينـك وشلون اجل كان القدر كاتب القـاك |
| بس الاكيـد انـي بكفـك رهينـك من يوم ماقلبي على وردك اشتـاك |
| في ساعة ٍ فاح الزهر من حنينـك تشكي من الفرقا وانا اقول لـولاك |
| ماابحرت بك وابهرت انا حاسدينك وغنيت انا لك ياعسى الكون يفداك |
| ياحظ دار ٍ طـاح وسطـه جبينـك تمسى على همسك وتصبح بلامـاك |
| يعني حياتـي كلهـا فـي يمينـك الا اذا كانك تبين اتبـع اخطـاك !! |
| عهد علي لاقطع بروحـي وتينـك حتى لو انك نبض قلبـي قطعنـاك |