بعيدات الهقاوي

من بعيداات الهقاوي وخيبات الظنون

والشعور اللي من سنين ماكنت أحسبه

انفجر دمعي وغطى محاجير العيون

وسال لين أصبح لخدي مواري بسببه

الطواري جددت لي جروحي والطعون

قمت اغني واذرف الدمع والحظ اندبه

ناح ورق الحب فيني ومالت به غصون

الوله والشوق والفقد شي آمنت به

هيه يا شفي ويامن على إحساسي تمون

لا كتبت البيت فيك أتراجع وأشطبه

ثم اعيد صياغته واتفنن باللحون

لين اجيب الجزل لو كان عالي مرقبه

أنت شانك شان والشعر شأنه ما يهون

مير قاف ما يوفي مقامك ما أكتبه

أنت روحي نبض قلبي ولأحزاني زبون

رأس مال الخاطر اللي يبيك ومكسبه

خالقك ربي ولله في خلقه شؤون

وحط لك في مهجة القلب قدر ومرتبه

أحمد الله واشكره عد ما كان ويكون

وكثر ماهي في حلاياك عيني مُعجبه

#سلمى