أضف تعليق
ارسال الى صديق
طباعة القصيدة
مشاركة القصيدة
أبلاغ عن خطأ
+0
-0
تسجيل الدخول
الاكثر أعجابا
الاستفتاء
ماهو تقييمك للموقع
القائمة البريدية
مرزوق بن مدلج 
لاطاب راسي ياعسى الوقت مايطيب عزة فقير ولامذلة غناوي
الزمان الاول
·!¦[· ياصاحبي زمان الاول تحول
واللي تخبره آمس ماهو كما اليوم
.
كل شيء ماهو مثل ماهو منول
الوقت غير كل نهجن ومفهوم
.
منول العاقل بعقله يخول
بالعرف رايه تسمعه كفة القوم
.
على النقا بازوالهم ماتزول
كبيرهم من فطرته كنه مفطوم
.
ولا زمانك ذَا فيه العجايب تهول
قلب معه عادات وقيم وسلوم
.
فيه السفيه رأيه مبدأ الاول
ماعاد لهروج الجهاهيل ملطوم
.
وصار الخطا عادي ماعاد يتأول
والي يقول الصح يطوله اللوم
.
والقول يحسب فعل لو هو مقول
والفعل مايحسب بالفلاس مهزوم
.
تلقى العزيز في كل مكان يتسول
وتلقى الذليل في اعلى المقامات محشوم
.
وقت على فآل المصايب مفول
مسموم كل مافيه مسموم مسموم
.
العاقل في هذا الزمن مايطول
اما انهبل ولا انه يموت مضيوم
.
يالله عفوك من زمان المعول
اللي يمشينا على غير مروم
.
شابت صوابرنا من العقد الاول
من الي نشوفه كل مامرنا يوم
.
عشان نعيش نساير عقول المغول
ونكبت في داخلنا من عيافنا هموم
#مـرزوق_بن_مـدلج