أضف تعليق
ارسال الى صديق
طباعة القصيدة
مشاركة القصيدة
أبلاغ عن خطأ
+0
-0
تسجيل الدخول
الاكثر أعجابا
الاستفتاء
ماهو تقييمك للموقع
القائمة البريدية
شاعرٍ مغمور
قال من يكتب على كل البحور
شاعر ولانيب توي مبتدي
ماكتبت الشعر من عشرة شهور
كاتبه من قبل ساعة مولدي
انقش ابياتي على صم الصخور
ولانطحني شاعرٍ راح يعدي
شاعرٍ مغمور ماحب الظهور
اتسلى فيه ويروح نكدي
بانيٍ بالشعر بيتٍ عن قصور
كاربٍ بيتي وثبّت وتدي
تسمع لشعري صدا صوتٍ يثور
مثل صوت الرعد لامنّه ارعدي
وعقب صوت الرعد ماياتي قطور
سيل يقفى سيل ثم ياتي بردي
والله انه مادخل قلبي غرور
الغرور ابلاد ماهو ببلدي
وبعدها عقب البدايه بالسطور
ابدي الترحيب فيكم ياسندي
ياسلام الله على كل الحضور
يالطنايا يامعاشيق الجدي
ياهل الطولات من ماض العصور
عزوتي ياعزوتي لا يابعدي
انتم اهل الطيب والطيب مْخبور
واشهد الله مابكم واحد ردي
جيت انا للمنتدى دمي يفور
وناويٍ لي نيةٍ في مقصدي
ابغي فحول الشعر مابغى البزور
وكل شاعر عندكم مثل ولدي
هيه يالشعار صفوا دور دور
واركبوا وسط الغماره والبدي
الليالي ماتبي نوم وفتور
وليلنا ليلٍ طويل وسرمدي
وكل ليلٍ لازمٍ يقفاه نور
وماذكر به شخص بالنور يغدي
الله الله بالجزاله والشعور
يافحول الشعر قومي واقعدي
قلتها واعرف عواقيب الامور
اركدي ياهزلة القاف اركدي
انتظر منهو على الجزله جسور
واضعٍ سبابتي براس زندي
والاوادم شاهد والظلم زور
قالها منهو هدا خير الهدي
حالفٍ لـ قضي على النمور
وكل خلق الله عليّا تشهدي
وساحة الميدان تشهد سور سور
والاصايل وسط ميده تطردي
وكان ماوفيت ماني بمعذور
ويحرم الفنجال عن قبضة يدي
وكان وفيت الوعد مامن قصور
عادتي لا قلت اوفي بوعدي
مشعل الضوّي