ديمـــهـ/ الغريبـهـ

ديمـه وغيمـه بالعطـايـا كريمـه

وبروق تشبـه هـزةٍ في حنينـي

عبـايـر تجـتـال صـدري مقيمـه

قـاومتـهـا لكـن أصـرّت تجينـي

و ديمـه مقيمـه بالمحاجر أليمـه

ابْروقـهـا بوحـي حنانـي أنينـي

سلمـتهـا راحـة عيـون الحليمـه

وآلفتـهـا لنّـي أبيـهـا.. تبيـنـي

واليـوم تجمعنـا عـلاقـة حميمـه

كم تحتضنها راحتي تحـت عينـي

ديمـه من الحب المصفّى عظيمـه

تنـزف وفـا سكبه على راحتينـي

المـد وافـي فـي حـلاه ونسيمـه

و الشـح ما لامس وفاي ويمينـي

أول بيـان الشـح خيـط الجـريمـه

والفـطنـه اللـي دايمـا تبتلـينـي

وآخـر محطـاتـه اشـاره و غيـمـه

تحجب شعـاعٍ عـم نـوره سنينـي

ديمـه من مـزون القصايـد حكيمـه

قـانـونهـا فـكـرٍ يخـطّـه يقيـنـي

يبعـدنـي الله عن كـلام الغشيمـه

كالمشرقيـن يـصيـر بينـه وبينـي

انصـان من كلمـه سقيمـه عقيمـه

مافيـه بالـزلّه (يايمـه ارحمينـي)

ديمـه وغيمـه في حروفـي نديمـه

وبـروق هـزت عبـرتـي تعتلينـي

وبـل يهيـض من ضلوعه هشيـمـه

من بعثرة وقتـي يجـي يحتوينـي

خاطـر وتفـتـك بـه رمـاح الهزيمـه

يبـث لـي شكـواه منـي وفيـنـي

يرجف سبب رمحٍ سطى في صميمه

و يئـن مـن حـالـة تعـب تمتـلينـي

ما عـاش كل مـاهـو يهمـه يضيمـه

ياليت لـو حالـي يجـي فـي يدينـي

ديمـه و ضمـتنـا مـحـبـة قـديـمـه

انسـى بهـا واتـوه وآقـول..وينـي؟

الغريبهـ