ابسم ..

ابسم .. ليا شفت التعابير انطقت

واسكت .. وخل العين توصفلك غلاك

واسرق .. شعور الشوق واقول: اسرقت

عقلي وروحي .. والجسد كله فداك                    

واطرق دروب الحب بعد م اطرقت

قلبي .. وقرب قلب متغرب .. وجاك

واشرق شروق الشمس مثل م اشرقت

على ورود الذوق واحلاها .. معاك

واطبع .. على طبعي طبوعك لا انسقت

من طبع راعيها عسى انه .. مستواك

وانقذ .. طعونن في سهامها .. اعلقت

وداو الجروح الي تبي نسمة .. دواك

وعطني مشاريع المحبه لا اصدقت

نبني عماير والاساس اصله .. وفاك

اسكن ضلوعي يوم مالت .. وافرقت

وعطني بساتينك .. وسكني .. سماك

اشتاقلي .. ان عينك تباكت .. واشتقت

وتشوفني حولك من امامك من وراك

واحضن شعوري بين يديك اليا اشفقت

واحضن فوادك في عيوني يا ملاك !

#يوسف_بن_سعيد