رثاء

البارحه اليل ياخذني عن الدالهين=والعين نوم العرب معاد يهنالها

جالس بروحي وفكر بين حينن وحين=ماغير احسب ليالٍ غايب هلاالها

لاقلت يا العين نامي قالت النوم شين=وشلون ابا انام والدنيا ذي احوالها

حسبي على دورة الدنيا وجور السنين=كم فرقت بين قلب الام وعيالها

وانااخذت مني الدنيا صديق وعوين= اللي اليا ثقلة همومي علي شالها

اقفا وخلا فجر تبكي وياسر حزين=ومه تهل الدموع ومنشغل بالها

وانا اكتم الحزن في صدري واجر الونين=لينن دمعة عيوني هل همالها

يارب عطفك والطفك رحمتك يامعين=امنت بك من خفاء الايام واهوالها

كنا سوا وافترقنا لحظة ارماش عين=يارب رحمتك لاجاء نفسي اجالها

خيران مات وقبل خيران ميت حسين=يالله عساءارواحهم با الخلد منزالها

يا الله يارب يامحيي العظام الدفين=يارب ياللي تجاز النفس بفعالها

إن تجعل قبورهم في روضة الصالحين=وتجازي انفوسهم في احسن اعمالها

وانا تعوض علي بخوت الطيبين= وتعين قلبي على الدنيا وغربالها