الواقع القاسي..!

سليّـت نفسـي بـ الصبـر تمتمتـها بكـرا تزيـن..!

ميـر الجـروح اللي أنطوت بأعمـاق روحي كايـده

مـ أقسى الليالي الحالكه في درب سير السالكين

تتـشـتـت الـخُطـوه ولا تـلقـى أيـادي قـايــده

صافحـت كفّيـن الأمـل واحساسي الخافي حنيـن

و تملكنـي اللهـفـه وأنـا فـي ظاهـري متحايـده

و أغمّـض عيـون الألـم و اكتـم بـ عبراتـي أنيـن

و أقـول يمكـن أو عسـى أصبـر وألقـى فايـده

يـ الواقع القاسي متى ترأف تحـن ترحم تليـن..؟

سيـاسـة "الحجّـاج بـن يوسـف" مُـذَمّـه بـايـده

قتّلـت بـ عيـوني أمل منسـوج في ذاتي سنيـن

و سِفـكـت دم أحـلام مـرتنـي ولا هـي عـايـده

و سِجنت عنّي فرحتي وينـي أنـا والفـرْح ويـن..!

لطمـات من كـف القِـدر لـ أفـراح عمـري ذايـده

تَـلاشـت خيـوط الوهـم مالـي سِـوا حبـلٍ متيـن

لامـن حظيـت بـ نـعمـة الإيـمـان كنّـي سايـده

ربـي إلـهـي خـالقـي سبـحانـه البَـرْ الـمُعيـن

يمسـح علـى بـاسٍ سطى في كل عَبـره رايـده

يِلْهمنـي الحكمـه و يُـوهبني سُمـو فِـكـرٍ رزيـن

لامِـن عطـى فيـه أكتفـي عـن كل حاجـه زايـده

الغريبه