يــا  صـبـاح الْــوَرْد يَــا طَـلَّـةْ الـنُّـوْر وْضِـيَـاهْ

يَـــا زَهَـــرْ فَـــوَّاحْ يَـــا بَـيْـلِـسَانْ وْعَـنْـبـره

يَا نِضَارَةْ لَمْعَةْ الشَّمْس فِيْ الكَوْن وْسِمَاهْ

يــا قـصـيدة شَـاعِـر ٍ يَـكْتِبْ الـشِّعْر أكْـثَره

ضِـمِّـنِـيْ بِـعْـيُـوْنِكْ الــلَّـى نـوَافِـذْ لِـلْـحياه

وْحِـطِّنِيْ فِـيْ بَـالِكْ الـلَّى حِـفَظْنِيْ دَفْتَره

إنْـتِشِرْ مِثْل السِّحَايِبْ عَلَى رُوْس السَّرَاه

وِانْـهِمِرْ مِـثْل الْـمِطَرْ وِانْتِعِشْ مِثْل اشْجَره

يــا صـبَـاِحيْ يــا شـروقي مَـعَ كِـلّ اتِّـجَاه

عِــطْـرِكْ  الــفَـوَّاحْ ضَـــمّ الـصِّـبَاحْ وْعَـطَّـره

آتِـخَـيَّـلْ ضِـحْـكِـتِكْ قَــبْـل أشِـــدّ الإنْـتِـبَاهْ

وَانْـتِبِهْ وَاسْـمَعْ صِدَى الصَّوْت عُوْد وْمبْخَره

أنْـثِـرْ (الأوْركِـيْد) فِـيْ سِـكَّةْ الْـحِبّ وْغَـلاه

وْيَـرْقِـصْ (الـتَّوْلِيْب) وِيْـحِقّ لِـكْ يـا مَـفْخَره

يَـعْزِفْ (النَّرْجِسْ) لحونه وْيَهْدِيْ لِكْ شِذَاهْ

قَــبْــل  وَرْد (الإقْــحـوانـه) يـبَـادِلْـك ثْــمَـره

وِيْـتِـفَتَّقْ لِــكْ شِــذَا الْــوَرْد وِيْـعَانِقْ صِـبَاهْ

يَــا غــلاي الـلَّـى غَـرَامـه بـصِـدْقه يَـعْمره

أعْـشَـقِكْ  يَــا صِـبْـحِيْ الأوَّلْ لِـيَـا مِـنْـتَهَاهْ

وَاتـمـادى لِــكْ هــوَى وِالْـغَـلا مَــنْ يـقْدَره

شعر / فتاة تهامة

   ftat_t@  تويتر  

--------------------------------