(( نزف الحروف ))

قالــوا تسّـلا بالشـّـعر هــو ينسّـــيك
 

جيت البحر عاني وأدوّر سفينه

ميــر البـلا حتى الشـّـعر قام يدعيــك
 

صحّـا جروحـي حيـّـها والدّفينه

نزف الحروف اللي سبب طعْـنة ايْديك
 

منـْك إبتدى فيـك إنتهـى بك ونينه

كل مـا غـفا فـكْـر البشـر قام يسْـريك
 

وإنت السّـراب وفيك يبني مدينه

مسحـوب مـــرّه وصْـخــريّـات ترْثيـــك
 

يفْـظـح معـانــاه إن ستــرْها غبيـنه

وياما سهر عقبك تـذكّــر ليـاليـك
 

فـي  عزلــة ٍ ما  ظنّتي  تجهلينه

فيـها ضحـك لـك ،، به بكى من تجـافيــك

ياحيــف قلبـه و إبْيــدك تجرحينـه

خل ٍ على وصلك شفــوق ٍ وشاريــك

ربـي علـى ظيـم الليـالـي يعيــنه

يدمــح لك الزلّـــه ودايـــم يـداريــك

صـابـر علـى ظلـمك وزايـد حنيـنه

ما مـلّ من جــورك وقســوة تـمــاديـك

وما طـاوعـه قلـبه يجـافـي ظنيـنه

ويومك شكيتي من الغـلا جـا يواسـيك

وينـك ترى غاليك جـارت سنيـنه

الـلــي حلفـتـي لـه وصــوفـه تسـلّـيك
 

اللـي شهقتـي بينهن تمدحينه

اللـــي تمـنّــيــتـي يجـيـــلك يـهـنّـيــك

اللــي حفيـتـي للمـواصل تبينه

اللــي رفــع شــانــك وعـــلاّ مــبانيــك

اللي مسح دمعك براحة يدينه

اللــي نفــض ذلّــك وعـدّل ممـاشــيك

اللي جزى احسانه كسرتي يمينه

اللـي طـوى ليـلك طـرد عنْــك ماضـيك

وإنتــي هدرتــي دمّـــه و تغدريـنه

ليـه إخْدعـك عــاذل وشالـك ويـغـريـك

واللـي رفـع قـدْر الغــلا ترخصـيـنه

لا يـا بــعد حيّــه وميــت الـوفـا فيـك

مـن علّــمـك دور النّـــذل تلـعبيـنه

من زخْـرف ابْـعيـنك ضياعـك ويـغـْـويـك

تمشـي مماشـي للهنا تحسبينه

وسط الوحل بكرى على الراس ترميك

داخل قفص همّك تعيشي سجينه

لا يجـرفــك سيـل انـْحدرْبـك ويخفـيك

ردّي تـرى  دْروب  المعاند  لعيــنه

تبــديــنها ضــحــكـه وتـالـي بتـنـْهيك

دمـع الـنّــدم وش فـاد لــو تذرفينـه

دامــك صغيــره ليــه شاللي موازيـك

غصـب ٍ علـى خيــل الـرّدا تركبيـنه

لحظه حلال القــوم هدّي خـطاويـك

اللـــي كتبْـلـك ربّـــك ابتــاخــذينه

وجـري الوحــوش ليا جريتيه يلـْهيك

وشي ٍ  مهو مقســوم ما تاصلينه

ردّي علــى ثــوب الطّـهـاره يحلّــيك

وكــنز القـنـاعـه حاولــي تحـفرينـه

إصحي ترى يمضي زمانك ويطـويك

ينـهـار قصْــرك قبــْل مـا تسكنيـنه

هذى نصيـحه يمـكن إنـه توعّــيك

عل و عسى درب السنع تسلكينه