أضف تعليق
ارسال الى صديق
طباعة القصيدة
مشاركة القصيدة
أبلاغ عن خطأ
+0
-0
تسجيل الدخول
الاكثر أعجابا
الاستفتاء
ماهو تقييمك للموقع
القائمة البريدية
كفكف دموعك..!!
|
مدام صار الحس بحساب الامـوات
وشوله اشعل شمع قلبـي واشبَّـه
|
|
وانا واكررها معـك بـس بالـذات
أبطيت أسوق الروح لاجلك محبَّـه
|
|
برَّكت لعيونك شموخـي ولاجـات
منك ولـو كملـة عشـان آتنبَّـه
|
|
إني بقلبك يابعد قلـب مـن مـات
في داخله بسمـات عمـره وكبَّـه
|
|
في صفحة أيام المواجـع تنهَّـات
من يوم شافك نبض روحه وطبَّـه
|
|
تعال شف حاله اذا مالفضـا بـات
يسهر عليك وْمِنْك من دون سبَّـه
|
|
يكتب لطيفك كـل ماحـوَّل ابيـات
ياعود ريحان ٍ بروحـي مهبَّـه !!
|
|
كم لي معك واقول ياصاحبي هات!!
همك وخذ قلبي على ايديك ربَّـه!!
|
|
يومك معي اقرب من الروح للـذات
وانا على نبض الخفـوق آتشبَّـه
|
|
واليوم مايرجع صدى الصوت لافات
ماتت من أسبابك عـروق المحبَّـه
|
|
وطيت لدموعك على كـل شمَّـات
ورميت وقفات الوفا وسـط غبَّـه
|
|
الحـزن..وآلام المفارق..واهـات
خـذ منهـن ماتشتهيـه وتحـبَّه
|
|
واقفل على صفحة وفا العام بسكات
لكن طلبتـك دمعـة العيـن خبَّـه
|
|
خل الدموع اللي من الروح تقتـات
مثل الطعـون بْ داخلـي مستتبَّـه
|