شف البارق !

..
عشان استجيب لطرفك الناعس الذبلان
ـــــــــــــــــــــــ كثر مايظللني برمشه عن احزاني

تسابقني الخطوة على سكة التحنان
... ـــــــــــــــــــــــ وادوّر مكاني في عيونك ولا القاني

أنا شاعر امشي في المدينة بدون لسان
ـــــــــــــــــــــــ اخاف الحرس بالجمر يكوي لي لساني

ينادون ياسلطان واقول : من سلطان !
ـــــــــــــــــــــــ مع ايماني بحجمي وباسمي وعنواني

الوّح بصورة رَجْل واقف وسرج حصان
ـــــــــــــــــــــــ وطيرٍن يحلق حرّ في عالمـ ن ثاني 

عطيت الحضر عقلي وقلبي مع البدوان
ـــــــــــــــــــــــ وصلت النجوم ولبسي ثياب جداني

غطست البحور وجيت باللول والمرجان
ـــــــــــــــــــــــ جليت الظلام الدامس بنور قيفاني

لقيت النتيجة واشكر الواحد الديان
ـــــــــــــــــــــــ شف البارق بكبد السحابة وتلقاني
..