تسجيل الدخول
الاكثر أعجابا
الاستفتاء
ماهو تقييمك للموقع
القائمة البريدية
يقول: معيض ما لك ؟! ، فقلت: معي ظما لك ! ,, معيض أحمد العمري الزهراني
بصمة ابهامي
ياشعر لاتنشد الشاعر وش علومه
.. مافيه شيٍ جديد يحرّك الهامي
كن الفضا دفتري وحروفي نْجومه
..والارض ماكنّها الا : بصمة ابهامي
احلامي غيوم تحت الشمس مقسومة
.. تسوقها ريح جهدي في سما ايامي
ياما كتبتك في اطهر نفس مكلومة
.. حتى امتزج دمعها مع دمعة اقلامي
وياما كتبتك في ام ارداف مبرومة
.. حتى تدفّق ثغرها لي وانا ظامي
وياما كتبتك في افقر رجْل في قومه
.. حتى غدا للنشاما درع وحزامي
اهيم في كل وادي وانحت رْجومه
.واصنع من الاردواز عْصاي وسهامي
وان حلّ جنح الظلام وحلّت حْلومه
..ذبحت كبش السهر،ياقبلة احلامي
الليل /خيمة،ونبضي/ ناس معزومة
.. على دلال القصيد الكايف السامي
لو كان ماصار لي طيحة بعد قومه
.. ماحس ريق الطريق بلذّة اقدامي
والنفس عن ميلها ماهيب معصومة
.. احب جيران ابوي اكثر من اعمامي
وانت الخويْ لو تبات النفس مهمومة
.. قلبي / جزيرة.. وفزعاتك/ تسونامي
وارض الطواريق مزروعة ومصرومة
.. من بعدي اجيالها تستنسخ الهامي..!!
صح لسانك يالعمري