حنين خطاي

أحبك والوله تنزف طعونه .. ماوصل ل اقصاي

           تخيّل كيف يرحل بي مداك ويشعل اشجاني

وتخيّل قلبي بدونك .. وبسمة تستفزّ بكاي

           وجودٍ من عدم حبك .. يشتتني وينعاني

أنا اللي قلبي لك لهفة .. أزفّه من غرق يمناي

       وامدّه لك وصال .. وهاك كلّي يا مدى ازماني

سقيت عروقي بجرحك .. واظنك فاهمٍ معناي

        إلى منّي رحلت .. وكل همٍّ يسكن اوطاني

ترى كلٍ يروح .. إلا حنينك والوله والناي

        إلى منّه عزف لي لهفتك .. واسقاني الحاني

ياليتك لوتجي واتشوف بعيونك حنين خطاي

         لـ ساقنّي لدربك شوق .. وردّني ضما ثاني

تمنيت الوداع .. وكل همٍّ يمحي اللي جاي

         وصار وداع حبي لك .. وصالٍ شكّل الواني

أبرقى واشرب فراقك .. وحاول تنتشي فرقاي

         كثير الحزن لكني .. قدرت اوصل ل عنواني

حبيبي والوصال وداع .. جمره حدّني ل اقصاي

         تخيّل كيف يسري بي غلاك .. ويوقظ احزاني ,,