أضف تعليق
ارسال الى صديق
طباعة القصيدة
مشاركة القصيدة
أبلاغ عن خطأ
+0
-0
تسجيل الدخول
الاكثر أعجابا
الاستفتاء
ماهو تقييمك للموقع
القائمة البريدية
كل ما تحتويك عيون بعثرتها
كل ما تحتويك عيون بعثرتها
يأنْت ليت السما زرقا ، وقلبي مضايف
والهبايب ، على جمر الغلا .. درتها
عل تشتب في حدب الضلوع النحايف
وعل ما تنطفي لا صار .. ما زرتها
فدوتك لو تهد ركون سبع الطوايف
يوم زينك ، على كل القلوب ، ارتها
لا عيونك عيون ولا الشفايف شفايف
مدري اختارتك .. وإلا لك اخترتها
وين أوصفك ياللي ما لوصفك وصايف
وأنت لا شجرت بك روحي أخضرتها
ما بك من الرماح ولا السيوف الرهايف
غير كنّك .. على لب الحشى صرتها
وما بك من العواذل والهوى والولايف
غير من نام جفني جيت واسهرتها
أهيفٍ ، ضامرٍ ، قدك : نحيفٍ ونايف
كل ما تحتويك عيون .. بعثرتها
كان في مدمعك ظبيٍ جفولٍ وخايف
صار قلبي ظباك وليت ما ذرتها
طاح ظل القصب بين الظمأ والحسايف
قبل أحط ، ف عيونٍ ، تو ما طرتها
ليت لي منك لا جفت عروقي رشايف
ماهي طعون في ذا القلب وانكرتها
راحت أيام ليلى العامرية نكايف
وأنت نارالملوح بالحشى أسعرتها
.
.
بدر الحمد