يا نقائي..!

ياحزني الأجمل
ياعشقي الأصدق
وش جديدك؟!
وش مضى من قديمك؟!
وش جرى لك بعد غربة رحيلك؟!
هو باقي قلبي أسيرك؟!
ياترى باقي تنام أول مساك؟!
وتصحى في فجرك وتتأمل عناك؟!
ترتشف قهوة غيابك..
وتقرأ عناوين الجريدة وتزفر أساك؟!
باقي تتأمل وجيه العابرين
في نص النهار وتذكر غلاك؟!
باقي ترمي همك على حمل الليالي
وتغفى بسكات؟!
باقي ديوان شعرك على رف الغبار
ينتظر لحظة صدوره؟!
ينتظر تحريره من قيوده
ينتظر يصافح نبضه وشروده!
باقي حرفك أسير للحنين
وما طعنك من رماح السنين؟!
باقي تبتسم مثل أم اليتيم
اللي تخفي عن ولدها حزن دفين؟!
باقي سماك ماتمطر فيه غير ديمه؟!
من تلمح بروقها تستبشر به وتهيم
ويا نقاء هالكون وبياضه
بخبرك عن حالي بعد الغياب
ياهي تفاصيل ومواويل وشجن
بس مابها شيء من العتاب!
يانقائي بـ اختصار
باقي عناوينك في قلبي
قصيدة وحرف وكتاب
وشيء باذخ من الجمال
يشبه الغيمة لابكت على صدر الرمال.