تسجيل الدخول

الاكثر أعجابا

عبدالكريم الجباري المعجبين:129
عفاف الشمري المعجبين:95
نافع بن طواله المعجبين:94
بركات الشمري المعجبين:89
علي الضوي المعجبين:82
بندر المطيري المعجبين:82
فرج صباح المعجبين:79
ديم الفيصل المعجبين:77
لافي ذباح المعجبين:76
سعد الخلاوي المعجبين:74
عواد بن طواله المعجبين:73
شواهق نجد المعجبين:71
بدر الحمد المعجبين:68
نبض الحيارى المعجبين:65

الاستفتاء

ماهو تقييمك للموقع
  •  

القائمة البريدية

>> حمـود العجمي >>

عبّر عن نفسك .. منت جماد !

حمـود العجمي  الكويت

H_ALJ@ أكتب لـ مجرد الكتابه .. بس أنا اوعدك راح تلقى من كتاباتي ما يجوز لك .

2016/05/0205:12 am
عدد المشاهدات : 1007

عبّر عن نفسك .. منت جماد !

السلام عليكم ورحمة الله وبركاته 

 

المقال الثالث .. وبـ اذن الله الرابع قريب  

 

عبر عن نفسك ) 

 

 

  • او بـ الأصح عبر عن انسانيتك .. او آدميتك ! وين ما كنت وبـ شنو ما كان ,, لا تخاف ردود الافعال .. لأنه شي طبيعي لكل فعل ردة فعل . 

  • نقطتي اللي بتكلم عنها بالذات لها جوانب واجده .. بـ طبيعة حياتنا ومرتبطه بنقطة الخوف اللي برجع لها بـ آخر المقاله  

---  

عمره ما عجبتك حياتك ونفسك وتعاملك مع الناس ؟ 

عمره ما عجبك شي وما اعترضت ؟ 

عمره ما عجبك مكان واستمريت تقعد فيه - لسبب او لأ آخر ؟ 

عمره ما عجبك مزاج اللي جنبك - ايا كان ؟ 

--- 

 

اجوبتكم داخل نفسكم راح تختلف من شخص لثاني لكن الاكيد يا كثر ما نكابر على حساب نفسنا بـ امور واشياء وحتى وجود ناس واجد !! 

ليش ؟  

( لا يكلف الله نفساً الا وسعها ) 

وانت منو عشان تكلف على نفسك وتحملها فوق طاقتها ؟ 

كلنا عارفين اننا نجامل ونكابر على حساب انفسنا بـ اشيا كثيره لكن السؤال الاهم ليش ؟؟ 

-غالبا بدون ادنى سبب ! 

اذا مكان ما عجبك ؟ غيره ! 

اذا مطعم ما عجبك؟ قوم منه 

اذا ما عجبك كلامي ؟ اطلع من الصفجه :) 

محد له حق يلومك على اختياراتك او ذوقك او قبولك للشيّ من عدمه .. 

+ 

محد له حق يجبرك ان اي شي يعجبك غصب !! 

 

الله خلقنا بشر .. مختلفين ولنا طاقه وقدرة تحمل معينه ليش نحملها فوق طاقتنا بـ ابسط حقوقها مثل حرية الافكار وحرية الاختيار وحرية ان لك وقت ترتاح فيه من غثا الدنيا .. ابسط حقوقها انها تحب اشياءها الحلوه مهما كانت بسيطه او كبيره . 

 

انا وصلت مرحله بهالشي حتى الناس اللي مو عاجبيني - لدرجة غير محتمله طبعاً - طلعتهم من حياتي ! 

ورغم العدد الكبير هذا انا عايش مرتاح الحمد الله . 

 

مع هذا الشي نحتاج لثقافتين برايي الحذف التعايش والتجاهل : 

 

حذف التفاصيل اللي ما تعجبنا .. حذف بعض الذكريات اللي تآلمنا على غير فايده .. حذف الامور المزعجه اللي ياما وياما سكتنا عنها على حساب أنفسنا والاهم والهاجس الأكبر .. حذف الاشخاص  . 

التعايش مفهموم بسيط وعظيم لو فهمته وطبقته صح .. راح تشتري راحة بالك لباقي عمرك ! 

 

تعايش مع المجتمع لو ما يعجبك .. تعايش مع كل انواع البشر بهالمجتمع ولا تحاول ترضيهم ابدا ابدا لانك مهما حاولت ما راح يقتنعون .. اقتبس نفس الاقتباس من المقاله السابقه لجورج برناند شو  لا اعرف قاعدة النجاح ولكن قاعدة الفشل هي محاولة ارضاء الجميع " 

   

تعايش مع اصدقائك .. احبابك اللي ممكن تكون فيهم اطباع ما تعجبك لكن غالين  

تعايش حتى مع ذاتك وحاول انك ترضيها لـ سببين  

الاول هي اولى بالرضى والثاني لأنك ياما زعلتها وما قالت شي .. التعايش ايضا يعني انك تتجاهل .. كل الاشياء المزعجه من البسيطه منها إلين الاشخاص .. حرفيا تجاهل  

 

يعني اي شي بالدنيا اي شي اي مخلوق او جماد بالدنيا ما يعجبك .. تجاهله ولا كأنه موجود اصلا . 

التعايش عن طريق التجاهل يساعدنا بـ موضوع الحذف . 

 

نرجع لنقطة الخوف .. او الخوف مفهوم واسع خلونا نحدد شوي  

الخوف من ردة الفعل بالذات لـ ايّ شي او بـ ايّ موقف  

  . حنا ليش نخاف ردة الفعل دام فيه فعل اصلا ؟ شي طبيعي بتكون له ردة فعل  

جرب ياخي تكسر روتينك وتقول لأ ..  للاشيا او للناس اللي متعود تقول لهم ( إيه ) 

واذاك خايف من ردة الفعل للامور البسيطه .. ما راح تقدر تواجه الامور الكبيره اللي بطبيعة الحال لها ردود فعل اكبر .  

 

الخلاصه : 

عبر عن نفسك .. بكل مجال وبكل مكان لا تكون جماد وحياتك تقليديه , التقليديين ما عاشوا ولا عرفوا لذة وحلاوة الدنيا .. 

شارك بـ اي موضوع او مكان او نقاش يفترض انك تشارك فيه ..  

عبر عن عدم رضاك عن الشي اذا ما عجبك 

اثني على اي شي يعجبك بـ اي موقف وعند اي شخص . 

كل هالكلام طبعا بحدود الادب والاحترام العام . 

 

وشكراً 

 

Twitter : @H_ALJ 

 

التعليق على المقال
ارسال الى صديق
أبلاغ عن خطأ