تسجيل الدخول
الاكثر أعجابا
الاستفتاء
ماهو تقييمك للموقع
القائمة البريدية
حمـود العجمي 
H_ALJ@ أكتب لـ مجرد الكتابه .. بس أنا اوعدك راح تلقى من كتاباتي ما يجوز لك .
خذ الناس على قد عقولها ، وعلى قد قلوبهم بعد ) !
* السلام عليكم ورحمة الله وبركاته ، مثل ما قلت لكم المقالات ب المواضيع المختلفه راح تكون بشكل دوري او شبه اسبوعي ..
اليوم بتكلم عن موضوع تصير الكثير من الخلافات بسبته بحياتنا اليوميه و بـ تعاملنا مع الناس اللي حولنا .. الاصدقاء والاغراب .. وطبعاً المُحب لك يتجاهل والكاره يدقق مثل ما هذه المقاله في ناس منكم بيقرونها لانهم يحبون يقرون لحمود بـ نيّه صافيه .. وفي من يقراها لانّه بس فاضي .. وفي من يقراها لانه فيه فضول او يدور شي ينتقده طبعا استمتع بالنوع الاخير ، لانهم بطريقه ما يساعدونك تستمر بالحياة .. المهم الموضوع هو اننا ما ندرك او نستوعب المستوى العقلي للناس حولنا وبالتالي يصير سوء فهم في كثير من المواضيع والجدالات لا واحيان تجرح اللي قدامك وانت مو حاس بعد ، مع انك مو متعمد .
( تنكشف عيوب الفكر من اول نقاش ) لذا ان كنت مهتم ومستعجل تعرف عقلية اللي قدامك ناقشه على طول بـ ايّ موضوع وراح يبيّن مستوى تفكيره وعقله ، نرجع لنقطة خاطب الناس على قد عقولها .. ومن منطلق الشي المعروف ان الرجل يغلب عقله على عاطفته والانثى تغلب عاطفتها على عقلها - ومن غير ما ننسى ان كل انسان مختلف عن الثاني مهما تشابهوا - خاطب الرجل على قد عقله .. وخاطب الانثى على قد قلبها !
عشان تتجنب اكثر سوء الفهم والهواش او الزعل سواء مع قريب او غريب او صديق .
طبعاً ( تنكشف عيوب الفكر من اول نقاش ) الكلام على الرجل والانثى .. عموماً كلامي هذا انا مطبقه من فتره وعايش براحه نفسيه حمد الله من ناحية هالموضوع صرت اكثر هدوء بالنقاشات وبالتعامل مع الناس ومع الاسف اني استوعبت هذا الشي متأخر !
نقطه ثانيه بسيطه تندرج تحت الموضوع هذا :
** طبعاً كل هٓ الكلام اللي فات يصير بالحالات النفسيه العاديه ؛ يعني ايّ حاله لاهي ايجابيه ( فرحه ) او سلبيه ( حزن ) او متقلّبه ( عصبيه او نرفزه ) لان الانسان وهو فرحان يقول اشياء مو مستوعبها ووقت الحزن يقول كلام تطغى عليه السوداويّه او النظره للجانب السلبي من الامور ولأن الانسان وقت العصبيه او النرفزه ممكن يقول كلام يندم عليه جورج برناند شو يقول ( تكلم وانت غاضب ف إنّك ستقول اعظم حديث تندم عليه طوال حياتك ) وفعلاً لو فكرت فيها كم مره وانت معصب قلت كلام ندمت عليه ؟! وقبل برناند شو بـ الاف السنين قال ﷺ:
( ليس الشديد بالصرعة، إنما الشديد من يملك نفسه عند الغضب )
كان للرسول حكمه عظيمه في هذا الحديث لو نخلّيها اسلوب حياة ؟ بتكون حياتنا اجمل .. وشكراً